رواية قمة الروعة

استنىىىىىىىىىىىىىىىىىىىى الردووووووووووووووووووووووووووود و الا ما هانزل البارت الجاي

قصٌه رآآئعه

بانتظار البارت الثاني

بس رد واحد خلص معناها ان الرواية ما عجبتكم

ليييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه ما في ردوووووود ليه بتشوفوا الرواية و ما بتردوا

و اللله عجبتني الروايه

بستنى البارت الثاني

الله لايحرمنا من جديدك يا عسل

كثير حلوة القصٌه

و خليتينا متشوقين للبارت الثآآني

بالانتظآآر يا عسله

شوقتينا دلوقتي

في انتظآآر البارت الثاني

يلااكمملي

يلآ يا قمووره

البارت الاول كآآن رآآئع

و عآيزين بقى البآرت الثآني

يا سلاااااااااااااااااااااااااااااااااااااااااااااااام فتحتوا نفسي خلاااص بارتين عشان عييييييونكم الحلوة

الحلقة الثانية

مرت ثلاث سنوات على هالحالة وكبرت ساره وازداد جمالها وصارت حديث الكل .. لين دخلت المدرسة أولى ابتدائي ..

كانت ساره مره مبسوطة من المدرسة وكل يوم ترجع تحكي عنها وتسولف .. وكان مازن هو أكثر واحد يستمع لها ويضحك على كل كلمة وكل حركة وكل تعبير يطلع منها ..

لين كان يوم الكل قاعد ياكل ويسولف إلا ساره كانت مسرحة ولاهي معهم ..
انتبه مازن لشرودها .. وقال بخاطره :
ياعمري عليك ياسارة حياتي .. وش الي تفكرين فيه ومسرحه فيه وانت الي بعمرك لا يفكر ولا يحتار ولايدري عن شي

قام مازن لعندها :
سوسو حبيبي شلون المدرسة ؟ ماسولفتيلي عنها اليووم !
ساره : زينة
مازن : شلون زميلاتك : نهى وغاده وندى؟
ساره بهدوء : طيبات
مازن حس ان ساره فيها شي ..

قال :طيب ساره وش رايك تجين معاي الحين المكتبة بروح أشريلي أغراض ونمر على السوبر ماركت ونرجع

التفتت ساره هالمره بمرح وقالت : والله !
استانس مازن من مرحها : وقال اي والله .. بس لازم نرجع بدري عشان يمديك تغيرين وتنامين وتقومين نشيطة للمدرسة

رجعت نفس نظرة الحزن لساره مره ثانيه وقالت : انا .. مابي أروح بكرا المدرسة ..
مازن : ليه !! ليه ماتبين تروحين !!
ساره : اي ماااابي أروووح مابي أروووح
وقعدت تبكي وعلى صوتها بالبكى .. لين انتبهولها اخوانها

فهد : ساره شفيك حياتي ليه تبكين .. شفيها مازن !
مازن إلي حس انه بيتقطع عليها : مدري يافهد قلتلها نروح سوى المكتبه ونرد بدري عشان المدرسة بكرا .. إلا صارت تبكي وتقول ماتبي تروح المدرسة !

ساره وهي تبكي ودموعها مغرقة وجهـها : مابي المدرسة مابي أروووووح ماحب المدرسة ماحب البنات ماحب غاده ماحبها ماحبهاااااا

سليمان اتضايق يوم سمع ساره تتكلم عن غاده لأنه كان يحبها من يوم هو صغير وهي كانت بعد تحبه وتحب تلعب معاه

غاده هذي تصير بنت عم ساره .. أكبر منها بسنتين
..شيطانة وشرانيه وماترحم ,, كانت بكل اجتماعات عيلتهم تذكر ساره انها ماعندها أم ولا أبو .. وانها احسن منها عندها أم وأبو ..

لذا حس فهد إن غادة قايلة شي لساره .وقرب منها وشالها وحطها على رجوله : اش قالتلك غاده النحسة هذي اليوم !
ساره وهي تبكي : وزعوا .. علينا .. أوراق لمجلس الأمهات ..
وغاده تقولي .. إرميها إنتي .. ماعندك أم ..

مازن صار وجهه أحمر من كثر الغيظ و قال لساره : ورميتها ؟؟
هزت راسها بقوة : لا .. مابي أرميها .. مو بكيفها
فهد: شاطرة حبيبتي إي مو بكيفها وتخسى إلا إهي !
ساره وهي تزيد بالبكي : بس أنا .. ماعندي أم صدق .. عشان كذا مابي أروح المدرسة بكرا .. بتضحك علي غاده .. وبتضحّك علي البنااااات ..

مازن عجز يستحمل قام وقعد قدام ساره وهو ماسك إيدها :
" ساره ومن قال إنتي ماعندك أم ؟ "

فاجأه سكتت ساره وطالعت فيه وهي تشاهق بهدوء ...
مازت ابتسم : إنتي بتروحين بكرا ان شاء الله .. وبتجي معاك أمي إلي هي مثل أمك .. وبتحضر مجلس الأمهات مع الأمهات
نسيتي إن ماما هناء إهي إخت ماما سناء ؟؟

ارتاح فهد لكلام مازن الي نشله من حيرته وحزنه على اخته ..
وساره ظهر على وجهها بشاير فرح
وكمل مازن وهو يبتسم لها : صح ؟

هزت ساره راسها بالإيجاب وهي تبتسم ...

وفعلا راحت ساره المدرسة وراحت معها خالتها سناء ,,
الي نبهت مدرساتها على وضع ساره ونفسيتها وحرصتهم عليها

لكن مازن ظل بخاطره حقد على هالغادة !

ومارتاح لين اختلى باخوانها وفتح معاهم الموضوع :
مازن : وبعدين معاها غاده هذي ترا مو أول مره تسويها بساره
سليمان : معليه تراهم صغار وهذي حركات عادية
بكرا تكبر وتعقل
خالد : اي على حساب نفسية ساره !
سليمان : ساره بعد بتتفهم ان هالشي كان وهم بزران ..
خالد : إنت ليش دومك تدافع عن غاده حتى وهي غلطانة
إرتبك سليمان شوي : مادافع عنها ولاشي بس مابيكم تكبرون السالفة ولاتسون ان غاده بنت عمنا الي مالنا غنى عنه

هنا اتكلم فهد أخيرا : ووينه عمنا هذا الي مالنا غنى عنه !
يطل علينا بالشهر مره ويروح بس عشان الناس لايقولون عمهم مايدري عنهم !
عمك ياحبيبي مايحبك ولايبيك .. ومنقهر ليش ابونا كتب أملاكه كلها بأسامينا ..
والحين جاي تدافع عنه وعن بنته !

سليمان : انا مني متكلم خلاص .. إنتم كل ما اتكلم لازم تطلعوني غلطان .. اسكت أحسن
مازن : اي والله أحسن ..
وقام عنهم لوين ماكانت ساره قاعدة بغرفتها ومعها دفترها ترسم و تلوّن.. ويوم شافت مازن وهو يدخل أشرت على فمها بشويش :أششششش !

استغرب مازن والتفت مالقى إلا هي بس بالغرفة حتى المربية مافي ..
ودخل وراح لعندها واتكلم بصوت واطي : شفيك ؟
ساره تهمس : بنتي نايمة !
انبهت مازن وشوي استوعب ان تقصد عروستها .. لقاها سادحتها جمبها ومغطيتها بفراش صغير ومنومة جمبها دبدوب صغير
نفس الوضع الي تنام عليه ساره كل يوم ..

ابتسم لها مازن بكل حب وهمس : طيب ..

قعد جمبها وتم يطالعها وهي ترسم وتلوّن ..
كانت راسمة رسمة غريبة لفتت نظر مازن وقعد يدقق فيها وهو عاقد حواجبه ..
كانت راسمه رجال .. وحرمه .. وبنت ..

الرجال بصوب .. والحرمه بصوب .. والبنت بالنص قاعده

مازن : من هذا ويأشر على الرجال
ساره : الأبو ..
مازن : وهذي ؟ يأشر على الحرمة ..
ساره : الأم
مازن : وهذي .. ويأشر على البنت
ساره : بنتهم ..
مازن باهتمام : زين ليش كل واحد بصوب !!

طالعت ساره بالرسمة شوي وحاولت تعبر :
عشان .. مايقدرون يمسكون البنت .. هم مب عندها أصلا ..
مازن : هاه وينهم ..
سكتت ساره شوي وهي تطالع برسمتها : ما أدري !

انكسر خاطر مازن حيل ..
ساره عمرها ماجربت هالترابط بين الأم والأبو ! وانه تكون البنت بينهم ويمكسون ايدها ..
لذا .. إن رسمت رسمه فيها أم وأبو تبعدهم عن بعض ..
شي يحكي الواقع الي تعيشه والنفسية الي بداخلها وهي ماتدري ..
ياعمري ياساره ..
وش هالمعاناة الي بقلبك وانتي مو دارية عن الدنيا .. قلبك الطيب التعبان الي مايستحمل كل الي يجيه ويبي يجيه ..

واتذكر المره الي طاحت فيها ساره بنوبة بالقلب خرعت الكل عليها ..

كانو طالعين 5 عوائل للبحر ..
عيال أبو فهد وأبو مازن و ابو طلال وابو سامي وابو سعد .
كانو كلهم طالعين رجال وحريم وعيالهم ..
إلا هم كانو بس العيال من غير أهل ..
مشت السيارات ورى بعض .. لين وصلوا لقصر كبير على البحر ..

ملك أبو طلال ..
كان القصر يهبل فيه كل أنواع الألعاب الي تونس الصغار والكبار ..
وكان فيه مسبح كبير خيالي
ويطل القصر على اروع منظر للبحر ..

اتجمعوا وقاموا يشوون سوى .. واتغدوا .. وكانوا مستانسين مره وقعدتهم كلها سوالف وضحك ومرح .. ويوم زان الجو ..
كلن راح بصوب ..
الشباب راحو للبحر يركبون دبابات البحر ..


والرجال قاعدين ويا حريمهم بقعده حلوة على البحر
الي يشيش والي يغني والي يتقهوى ..

والبنات الي كانو قريبين من عمر ساره .. كانوا قاعدين يلعبون بالرمل ..

وشوي وهم يلعبون قالت سمر " اخت مازن " : وش رايكم نروح نسبح الحين بالمسبح ؟

نهى بنت ابو طلال : بابا قال مافي مسبح الا المغرب عشان الشمس
ندى بنت ابو سامي : حتى ماما قالت كذا بس تعالوا نقولهم الحين مافي شمس قويه ..

ضحكوا البنات بمرح وقاموا لوين ماكانوا أهلهم ..
إلا ساره ظلت بمكانها تطالعهم ..

بس البنات يوم وصلوا لأهلهم بدا حكي الأهالي
ام طلال : هلا سمر وينك ماتسلمين ؟ ولا عشانك كبرتي وصرتي حلوه ؟ ماتبيناا
سمر بحيا راحت سلمت عليها وعلى الموجودين ..
راحت نهى تتدلع عند أبوها : بابا نبي نسبـح الحييييين ..
ابو طلال : لا ماما شمس ..
ندى اتليقفت وقالت : لا عمي والله الحين الجو حلووو
وضحك الكل على لقافتها ..
ام مازن فقدت ساره والتفتت لقتها قاعده لحالها على الرمل ومعها عود تشخط فيه بالرمل ..
نادتها : سووو سوووو ..
رفعت ساره راسها لخالتها وماتحركت من مكانها
ام مازن : سوسو تعالي حبيبتي سلمي عليهم بيسألو عليكي ..
محد سأل عنها لأن ناسينها حيث ان اهلها مو بينهم لكن يوم اسمعوا ام مازن قالت كذا .. تموا ينادونها اهم بعد ..
" وينها ساره وينها الحلوة .. ماشفناها "

أخيرا اتحركت ساره الي كانت مثل أي طفله تحب هالكلام الحلو ..
وراحت لعندهم وكل ماسلمت على أحد شالها وباسها وسمى الرحمن من جمالها ونعومتها
وبالاخير قعدت جمب خالتها أم مازن ..

سمر : خلاص بابا نسبح ؟؟

ابو مازن يطالع أم مازن لأنها هي أدرى ..
أم مازن : شو رايك أم طلال !

أم طلال: كيفهم خل يسبحون

البنات بمرح وضحك : هااااايـــي واااااااااو ..

وراحوا ركض لوين مايغيرون ويلبسون مايوهاتهم ..

أم مازن : روحي ساره حبيبتي غيري والبسي مايهوك
ساره : ابغى اسأل فهـد ..
أم مازن : لييييه ؟

ساره : هو قالي ماتروحين مكان الا أنا لازم أعرف ..
ابتمست أم مازن وفرحت لحرص اخوها عليها ..
وقالت : ماعليكي حبيبتي .. لايرجع أنا بقله انا خليت ساره تروح ..
شو حبيبتي انا مو زي إمك ؟
ابتسمت ساره وهي تهز راسها

ام مازن : يلا روحي لا يروحوا عنك البنات ..
قامت ساره وراحت تركض للبنات .. وغيرت ولبست مايوها

وراحو للمسبح الي كان قسم غريق وقسم واطي ..
وقفت ساره عند المسبح وهي تنزل رجولها بشويش وتطلعها ..
وبعدين قعدت ونزلت رجولها كلها ..
جو البنات وقعدوا جمبها وسوا مثلها وتم يطافشون ويضحكون
بعدين قالوا : يلا ننزل مع بعض ..
يلا 1 2 3
ونقزوا كلهم ..
وضحكوا على اشكالهم وصاروا يسبحون ويلعبون مستانسين ..

رجع فهد ويا الشباب .. وأول ما سأل .. سأل عن ساره
ام مازن : أنا قلتلها تروح تسبح مع البنات ..
فهد بان عليه اتضايق شوي وقال : وينهم ؟
أشرتله أم مازن على المكان ..
راحلها فهد ..
ولحقه مازن وخالد
أما سليمان فكان للحين يلعب بالدباب ..
هو كذا يختلف عن اخوانه .. ويحب اللعب والهبال والضحك وعصبي حددده


وصلوا لعند المسبح وشافوا البنات يسبحون ويضحكون ..
ساره يوم شافت فهد قالت :
خاله سناء قالتلي اسبحي

ابتسم وهو يقرب منها بالمسبح و ماحب يضايقها وقال :
عادي حبيبتي دام خالة سناء وافقت

ابتسمت ساره
و قرب مازن وخالد منهم وصاروا يرشقون البنات بالمويه ..
وقعدوا البنات يضحكون ..
ويوم جا مازن يوقف اتزحلقت رجله وجا يطيح .. راح اتمسك بخالد وطيحه معاه ..
وطاحوا اثنينهم بالمسبح ..
خالد وهو يكح من الشرقا : إنت يالدب ليش تتمسك فيني ؟؟
مازن : ههههههههههههههه والله ما أتبهذل لحالي
خالد : هههههه يقطع ابليسك ما معاي ملابس
مازن : انا معاي واحد احتياط
ههههههههههههههه
سحب فهد كرسي وقعد عليه وهو يطالعهم ويبتسم ..
فهد دايم هادي .. وغامض ولا يحب يشكي لأحد ولا يبين حزنه لأحد .. وحنون وطيب بنفس الوقت ..

صاروا العيال يلاعبون البنات وخالد يطالع سمر .. ماشاء الله كبرت واحلوت .. لكنه راح لساره .. وهو يأشر لمازن ..
مازن فهم السالفة لانهم دايم يسوونها بساره ..

شال خالد ساره ورفعها فوق وطيرها لمازن .. مسكها مازن وهو يضحك وهي ميته من الضحك .. ورجع طيرها لخالد .. مسكها خالد ويضحك على ضحكها وطيرها لمازن ..
إلا وقف فهد وأشر بإيده لمازن إنه خلاص !
حطها مازن الا وتجيه سمر : أنا أنا أنا ..
ونهى وندى عند خالد : أنا أنا أنا

طالع مازن خالد بنظرة ملل بس اضطروا يسونلهم لا يصايحون عليهم ..

بعدها طلع مازن وخالد وغيروا وقعدوا قدام البحر ولحقهم فهد وقعد معاهم ..
وشوي الا جاهم سليمان غرقان بالمويه ويضحك ويستهبل .. ويحكيهم شلون طاح من الدباب ورجع ركب

فهد وهو يبتسم : والله انك مرجوج
سليمان : إنت ليش ماركبت ..
فهد : أخاف أتيييح ,, ههههههههههههه
وضحكوا كلهم عليه .. وجابو عصيرات وشيبسات وقعدوا ياكلون ويضحكون ومر الوقت على الكل من غير ماينتبه ..

بعدها انتبه مازن إن ساره طووووولت بالمسبح وخاف عليها ..

مازن : فهد مو كن ساره طولت شوي !
فهد انقلب وجهه فاجأة وقال : يوووووووووووووووه .. الله يذكرك بالشهادة يامازن ياربي شلون نسيتها أنا .. ياربي لايجي قلبها شي ..

وقام فهد ومازن يركضون للمسبح .. إلا واتعلقت رجل فهد بصخره بالأرض طيحته على قدام .. وصرخ من الألم .. لان المنطقة الي كان يركض فيها مليانه حصا ..

رجعله مازن : فهد شفيك سلامات عسى ماتعورت
فهد وهو يمسك ركبته ومغمض عينه من الألم :
ماعليك مازن .. روح لساره طلعها ..

التفت مازن لسليمان وخالد وناداهم
" سليمـــــــان خـــــــــالد "
ويوم شافوه .. أشرلهم على فهد وراح عنهم ..

وصل مازن لساره ..
ودخل وشافها .. ووش ماشاف !!!!

كانت ساره متكيه بظهرها على المسبح ومتكتفه بقووه وتنتفض
ووجها شاااحب وشفايفها مبيضه ..

والبنات حولها يكلمونها ..
سمر من شافت مازن :
مازن ساره كأنها تعبانه من أول جالسه كذا ماتبي تسبح ولا تلعب ولا تتكلم ولا شي

جا مازن من فوق ساره ومد ايده : تعالي سوسو ..

سوسو ما تحركت من مكانها ..
خاف مازن عليها مره فمد ايدينه عليها ورفع جسمها النحيل ..
الا هي تكورت بحضنه وصارت تنتفض ..

مازن : سوسو حبيبتي شفيك .. في شي يعورك !!
ساره : بر .. دا .. نة

التفت مازن يدور على أي شي يغطيه ساره ولقى منشفه بالطرف راح وأخذها وغطاها فيها .. وطلع فيها من الباب الداخلي الي يودي على المجلس وهو ينادي :سمــــر تعالي ..

طلعت سمر وراحت لأخوها : نعم
مازن وهو ضام ساره بقوه : وين ملابس ساره ؟
دخلت سمر وهو يلحقها وأشرت على ملابسها وهي خايفه :
شفيها ساره ؟
مازن : مافيها شي بردانه بس .. روحي نادي ماما بشويش لحد يسمعك ..
سمر : طيب .. وراحت تركض ..

سحب مازن ساره لقدام يبي يشوف وضعها .. وانصدم !!

كانت شفايفها مزرقه وتنتفض بقوة وعيونها محمره !

وزاد انتفاضها وزاد .. لين حس مازن انه مو قادر يتحكم فيها
واخترع قلبه عليها وماقدر يستنى

طلع فيها يركض وهو يصرخ :
فهـــــــد سليمــــــــــان .. خـــــــــالد .. تعالو الحقوا ســــــــــــــاره بسررعه


فهد كان قاعد على الرمل اهو واخوانه وابو طلال
لانهم جابوله اسعافات أوليه وعالجوا ركبته وهم يمازحونه وهو يبتسملهم غصب لان قلبه مع ساره ..
ويوم خلصوا قعدوا معاه على الرمل وقعدوا يسولفون وينتظرون مازن
حس فهد إن مازن تأخر وجا يبي يقول لخالد يروح يشوفه ..
إلا وطلع مازن يناديهم ويصارخ عليهم ..

فهد من شاف مازن شايل ساره ويصرخ .. قام بكل قوته مو مهتم لا بركبته ولا بشي
واخوانه قاموا وراه وكلهم مخترعين وراحوا لمازن الي باين
شكله مخترع ويقول : مدري شفيها .. طلعتها من المسبح وهي تنتفض .. والحين زادت حالتها شكلها مو قادرة تتنفس !!

شالها فهد وهو يكلمها : ساره حبيبتي .. ساره

وصل ابو طلال لهم وشاف حالة ساره وخاف عليها
ابو طلال : فهد قرب فمك لفمها وانفخ فيه على ما أجيب انبوب الاكسجين ..

سوا فهد الحركة الي قالها بو طلال .. لكن ماحس بتجاوب من ساره ..
وشوي الا انتفض جسمها النحيل أكثر وأكثر واتشنجت بقوة وهي تعض شفيفها وتغيرت ملامحها ..
و .. غابت عن الوعي ..بوصول ام مازن وأبو مازن ..

شالها فهد وهو يناديها بفجعـة : ساره ساره .. حبيبتي ساره !!!!
ويضرب خدودها : ساره ساره .. !!
سليمان وخالد بدوا يبكون : شفيها فهد شفيها ..
فهد وهو مخترع : مدري جيبوا مويه

مازن أول من ركض وراح مسرع يدور مويه الا لقى ابو طلال جاي ومعاه انبوب الاكسجين .. وكاسة مويه ..
رجع مازن معاه الا فهد يقوم وهو خااايف حيل ويرتجف :
بوديها المسشتفى .. غابت عن الوعي عمـي !
أخذتها أم مازن منه وهي تبكي وتنفضها وطالعت كاس الموية بيد ابو طلال وقالت : هـــــات المويه يافهد بسرعه

ورشت ام مازن على ساره الي انتفضت وفتحت نصف عين ورجعت غمضت ..
فهد ماستحمل وشالها منها وتجاوزهم بسرعه وهو يصارخ :
بوديها المشتفى ... سليمااااااان شغل السيارة بسرررررعه

أسرع سليمان ورى أخوه وطلع المفتاح من جيب فهد وشغل السيارة ..
وانطلقوا فيها ..

مازن وخالد عيا ابو مازن انهم يروحون مع فهد وأخذهم معاه للبيت

والكل تفرّق والبنات قعدوا يبكون خايفين لايصير بساره شي ..
وصلوا أقرب مستشفى الي كان جمب بيتهم لأن بيتهم كان قريب من البحر ..
وركضوا للطورائ
استلموها الممرضات
مابين كمامة وجيلكوز وتخطيط ..

رجعت ساره تاخذ نفس شوي شوي لكنها للحين غايبة عن الوعي ..

اتذكر فهد دكتور ساره وانه عنده رقم جواله لحالات الطوارئ واتصل فيه :
السلام عليكم
فهد : عليكم السلام دكتور أنا فهد أخو ساره
الدكتور : يا أهلا خير ان شاء الله
فهد : دكتور انت وينك بالمستشفى ؟؟ ساره تعبانة ومغمى عليها بالطورائ !
الدكتور : لاحول ولاقوة الا بالله .. أنا من ساعه خرجت من المستشفى ودلوأتي حارقعلكو تاني ..
فهد : مشكوووور دكتور ماتقصر

وفعلا كلها 5 دقايق وكان الدكتور موجود وراح لساره وفحصها وسليمان وفهد قاعدين برا على جمر ..

ويوم طلع الدكتور : نقز سليمان وفهد عنده وقال فهد : ها دكتور بشر
الدكتور : نوبة قوية شويا لأن البنت صُغيره باين عليها بذلت جهد فوق طاقتها ..
ويطالعهم باستفهام ..

سليمان : اي هي سبحت بس يمكن طولت بالسباحه
الدكتور : مايصحش كدا .. خدوا بالكم منها دي المره عدت ومش كل مره حاتعدي
ساره وللمره التانية تجيها النوبة ..
وبعيد عليكم : مايصحش تبدل جهد كتير
ولا تمشي كتير
ولا تزعل وتعصب !!
كل دا مش كويس عليها وعلى صحتها وقلبها !!

فهد منبهت ويهز راسه بحزن .. وسليمان الي تكلم : زين والحين وش بتسون لها !!
الدكتور : الحين عطيناها جلكوز .. وابره مهديه ..
وكمامة تنظم عملية التنفس .. خلوها ترتاح الليلة هنا .. وبكرا تخرج ان شاء الله ..
هز فهد راسه : ان شاء الله ..

وقعدت ساره ذيك الله .. وطلعت من بكرا ولقت اخوانها مسوين لها حفلة وجايبين لها كيكة ..
وتموا طول ايامهم يحاولون قدر مايقدرون يسعدونها ويدارونها ..


هذا البارت الثاني لعيونكم
إذا عجبتكم قولولي أكمل ترى بعده الحماس مابدا

الحلقة الثالثة


كبرت ساره .. وكبروا العيال واتخرجوا ..

ومايحتاج أوصف لكم ماوصلت له من جمال

شعرها ناعم كستنائي فاتحمنسدل دووم على كتوفها ويوصل لنص ظهرها ..
عيونها عسلية فاتحه وواسعه وناعسةورموشها مثنيه كنها معموله بأحسن مسكره
خدودها وشفاها فيها حمرة ربانيه مزودتهاجمال وحلاوة تبهر الي يطالع فيها ..
جسمها نحيف مره ..

طبعا دلووعةاخوانها ودلوعة مازن بزيااادة لأن مازن مستحيل يرفض لها شي لو مجرد حس احساس انهاتبيه .. لكن ساره طيبة وحنونه مره

كانت متمدده على الكنب بالصاله ومعاهاالريموت تقلّب فيه ..
ولحالها كالعادة لان اخوانها كبروا وصاروا بالجامعه وفهداتخرج وماسك شركة أبوه ..

وهي على هالحالة .. كان فهد بشغله ..
انفتحالباب ودخل خالد وسليمان ومازن ,, ومعاهم أكياس

مازن إلي من شاف سارهلحالها وطفشانة انكسر خاطره وبدا يفكر شلون يونسها ,,

مازن : سوسو الصغيرةسوسو .. ضحكتيها مثيرة سوسو

قعدت ساره وهي تبتسم : خلاااص ماعادني صغيـــره

خالد : طيب .. سوسو الكبيرة سوسو ضحكتها خطيرة سوسو
هههههههههههههههه

رمت ساره مسندة الكنب على خالد .. ومازن الي تلقفهاعلى طول وهو يغمز لسليمان بعينه ..
راح مازن لين ساره وشاااالها وطيرها لييييينسليمان ..
مسكها سليمان زين وهو يضحك وهي ميته من الضحك .. وطيرها لخالد .. مسكها خالد وطيرها لمازن ..
اتمسكت هي بكتوف مازن عشان لايطيرها ثاني وهي تضحكوالكل يضحك عليها وخاف مازن عليها بعد لا يجي قلبها شي من هالحركات ..

سارهوهي تجلس عى الكنب : وش جايبين معاكم تراني ميتة من الجوع ..
خالد يطلع الأكلمن الأكياس ..
هامبرجرات كل الأنوع .. لأنا ماعرفنا أي نو ع تبين

اتكتساره بيدها تحت دقنها وقالت : طيب من وين جايبينه
سليمان : مطعـم الشعبمـــــاكدونالدز
ساره : يييييييييع والله ما آكل !
مازن : لييه سوسو !
ساره : ماحب هالمطعم يع أحس هامبرجراتهم فيها طعم دود !
خالد : وانتي ذقتيالدود سوسو ؟؟

ضحكوا كلهم وساره قالت : انتم أصلا ماتفكرون الا بنفسكم ولاليه ماكلموتوني قبل ماتشرون ..

سليمان : والله حبيبتي مادرينا إنك ماتحبينماكدونالدز .. والي سويناه إنا جبنا كل الانواع عشان تختارين
ساره : مو ماكلهشي !
سليمان عصب : براحتك .. " بسم الله " وبدا ياكل

وخالد كان ياكل منأول واهو يطالع التلفزيون ..

مازن بكل هدوء ونظرة حب : وإنتي وش المطاعم اليتحبينها سوسو
ساره : ماحب شي .. خلاص إكلوا انتم بالعافية عليكم ..
والتفتتللتلفزيون

مازن : سوسو بجد أسألك ..
التفتت ساره لمازن وشافت النظرةالحنونة بعيونه لكن لدلعها مارضت تتكلم

قام مازن وهو بخاطره يقول .. سارهيا سعادة مازن وقلبه وهمه ودلوعته ولوعته ..
وقعد قدامها : سوسو .. أزعل !!
طالعت فيه ساره وهزت راسها : لا مازن بس مابي شي
مازن : أجل وش تاكلين !
ساره : مو لازم آكل .. أصلا من قال إني جوعانه
مازن : ومن الحلوة إلي قبلشوي تقول .. ويقلد دلع صوتها : أنـــا ميـته من الجووووع ..
ضحكت ساره واحمرتخدودها من الفشلة .. وضحك هو عليها وقال : ها خلصيني الحين تراني جوعان وأبي آكل ..
وش المطاعم الي تحبين تاكلين منها
ساره بدلع : فادركرز ..
ابتسم مازن : لحم ولا دجاج
ابتمست ساره وتمت تتدلع : دجاااح

أشر مازن على عيونه : منعيوني .. بروح أجيبه لك الحين ..
وقام .
سليمان : إنت من جدك بتروح؟؟
مازن : اي من جدي شعليك انت !
خالد : وبأي مفتاح حبيبي لاتنسى اني أنا اليكنت أسوق !!
اتذكر مازن هالشي وان خالد طلب منه يسوق سيارته لأنها بي ام دبليو .. جديدة وكشخة وتوه ماله اسبوع شاريها أبو مازن لمازن

وقال :اي طيب يالذكيهات المفتاح و .. و باخذ سارة معاي !
وغمز لساره الي ابتسمت بفرح

سليمان : ساره إنت مره دلوعه .. تعالي جربي ذوقي والله يجنن

خالد بصوت واطي يكلمسليمان : والله ان كان تبي الصراحة موزين! وطعمه صدق خايس
انتبه مازن لخالد وضحكعليه وقال : اقول إنت يالحشاش .. هات المفتاح خلصنا ..
رمى خالد المفتاح علىمازن وتلقفه مازن وهو يبتسم لساره : يـلا !
قامت ساره بدلع وهي تطالع سليمانبنظرة انتصار

سليمان كان يحب ساره مثل ما اخوانها يحبونها ويدورن رضاها .. لكن ساره كانت بجد مره دلوووعه ومو أي شي يعجبها
وسليمان لأنه طالع عصبي غيراخوانه .. ماكان يستحمل دلعها الزايد ..


ركبت ساره السياره بمرح لأنهاتدري إنها لو تطلب تدور المحلات كلها .. مازن مايرفض لها طلب ..

ركب مازنوشغل السيارة وهو يلتفت لسارة ويطالعها بنظرة حنان : سوسو إربطي الحزام ..
ساره : ليـــــــه !
هذي ساره مستحيل توافق على الشي بسرعه إلا لازمتجادل

مازن : عشان أأمن ياحلوه ..
ساره كانت تستانس إذا قالها ياحلوه ..

ابتسمت وقالت : طيب إنت اربطه
ابتسم مازن : حـاضر .. هاه .. وربطالحزام ..
ربطت ساره الحزام بنعومة
وإلا مازن يقرصها مع خشمها : شاطرة ..
ساره : هههههههههههههههههه
ومشوا ..

طول الطريق ومازن يتأمل بسارةحياته الصغيره .. كبرت ساره وصار جمالها مابعده جمـال .
. ياناس وش كثر أحبهالانسانة .. من يوم هي بالمهاد وأنا ميت عليها .. ومع كل فزة تفزها وكل خطوةبحياتها .. يزيد حبي وحناني عليها
يالله يارب إنك تقدرني أسعدها وأوعوضها ..

مازن : ساره حبيبتي كم صار عمرك الحين ؟
ساره : توني داخلة 13
مازن : كبرتي وحلويتي سوسو ..
انصبغت خدودها بحمرة فوق حمررتها طلع شكلها برئ وجنان ..
مازن : سوسو حبيبتي مو لازم تلبسين عباية ؟
ساره باستغراب : هاه ؟ اممم .. إلا .. لكن
مازن بهدوء : لكن ايش ؟
ساره : ممم .. محد اشترالي .. اممممم .. محد قالي .. !!
اخوانها لانهم شايفينها نحيفة وصغيره مو جاي ببالهم انها كبرتولازم تلبس عابيه ..
مازن : طيب أنا الحين أقولك وأنا باشتريلك
ابتسمت سارهوهي فرحانه انها من قبل ماتطلب الشي مازن يجيبه لها ..

وصلو لين المطعموكان مسكر للصلاة..
مازن ماعرف شلون يروح يصلي ويخلي ساره فاضطر يقعد معهابالسيارة ويصلي بالبيت

مازن : ايوا سوسو سولفي لين يفتح المحل
سارهبضحك : وش أقووووووول
مازن : سمعيني انشوده
ساره : هههههه مازن انا موصغيره
مازن للحين هو يشوف ساره طفلته ودلوعته وصغيرته ومايحسها كبرت ابتسم وقال : طيب سمعيني أغنيه
ساره : هههههههه اي أغنيه
مازن : على كيفك الي يجي علىبالك
فكرت ساره شوي وقالت : طيب بس لاااتضحـك !
مازن : ههههه لا مو ضاحك ..
ساره : طيب بغنيلك أغنيه حبيبي وانت بعيد !
مازن : يـلا
ساره بهدووء ودلع :
حبيبي وانت بعيد .. مشتاق للمسة إيد .. من غير ولا همســة ..
غمض ومد إيدك .. أول ماأفكر فيك .. حاتحس باللمسة ..
بتقول لوحدك آآه .. وبقول لوحدي آآهوبتتسمع وحده
تبكي علي عنيك .. وتبكي عني عليك .. وهي دمووع وحده

سكتتشوي وكانها تبي تبكي .. بعدين ابتسمت وقالت : خـلاص ..
ضاعت عيون مازن بوجهالملاك البرئ الي قدامه وانبهت وهو يسمع كلمات هالأغنيه الي ماحس بمعانيها إلا منفم ساره الحين .. ياعمري ياساره ليش هالأغنية لييييييش ؟

ساره : شفيكماعجبتك ؟
مازن : هاه ؟ الا بالعكـــــــس تجنن .. صوتك يهبل سوسو
ضحكت سوسو : شكرا ..
مازن : عفوا حياتي ..

وفتح المحل وشروا الي يبونه وهم راجعينقالت ساره :
بنشري العباية الحين !
مازن ميت من الجوع من الصبح ما أكل شي بسطلبات ساره أوامر
مازن : على كيفك تبين الحين .. الحين
ساره بمرح : ايالحين عشان ألبسها اذا رحنا بيت عمي وأخلي غا ..
وسكتت ..

مازن : كمليسوسو
ساره : لا .. ولا شي ..

مازن فهم إنها كانت بتقول شي عن غادهولاهتمامه بمشاعر ساره الحزينة الي تسببها غاده لها قال : بتخلين غاده ايش؟
ساره : مابي اتكلم عنها خلاص ..
مازن اتذكر تحذير فهد لها .. لأن سارهبالفترة الأخيره كانت الليل والنهار وهم بالبيت تسب بغاده وتتريق عليها وفهد مايحبهالأسلوب حتى لو كانت غاده غلطانه ..
مازن : سوسو مني معلم فهد .. وابتسم لها : قولي شتبين تقولين

ارتاحت ساره مره لان مازن ترك لها المجال تطلع الحنق اليبداخلها
لان اخوانها صاروا يهاوشونها ..و مايبون الحقد يكبر بقلبها على بنت عمها ..

ساره : غاده يوم شرت عباية .. قالتلي انها فصلتها بـ 500 ريال عند مصممة
قلتلها أنا مابي عباية أصلا
قالت انتي اصلا مين بيشريلك !

وسكتت شويوقالت : غبيه هي أصلا هبله ..

انقهر مازن من غاده هالمخلوقة الشرسة وقالعشان يبي يفرح ساره :
اي والله غبيه وهبله ..
التفتت ساره لمازن باستغرابوطالعت فيه منصدمه
مازن وهو يبتسم : شفيك سوسو
ساره : ياويلك من سليماااان !!!
مازن : ليـــــــــــه !

ساره : هو قال لو سمعت أحد يسب غاده باذبحهوهاوش خالد بعد ..

مازن ضحك يوم سمع ان خالد انهاش وقال : ولييييييه هاوشخالد بعد !

ساره وهي تضحك : لأن أنا وخالد كنا نقلد مشيتها ونتريق عليها
وخالد يقلدها لما تشوف سليمان كيف تستحي وتركض
ههههههههه

مازن : هههههههههههه ياحبيلكم ..
وسكت شوي وحب يعرف نوعية المشاعر الي بقلب سارهتجاهـه

مازن : وإنتي ياسوسو تستحين لما تشوفيني ؟
ساره بضحك : إنت ؟؟هههههههههههه لاء طبعا !

ابتسم مازن وحس إنه مو غلطان بشعوره يوم يحسهاصغيرته ودلوعته

وقف عند محل العبايات وخلاها تختار العباية الي تعجبها ..
وحاسب ورجعوا البيت ..

قبل مايوصلون بشوي دق جوال مازن
مازن : هلاوالله
فهـد : هلا مازن وين أخذت إختي إنت ووجهك
مازن : طرت فيها للقمر ..
فهد : ههههه عاد جد وينكم تأخرتوا
مازن : هذا إحنا عند الباب ..
فهد : طيب بعد ماتتعشى وتخلص أبيك بسالفة
مازن وهو مستغرب : ان شاء الله ..

دخلوا البيت وتعشوا .. وبعد العشا جابت المربية لساره الدوا .. وأخذتهبملل واتمددت قدام التلفزيون ..
مازن طلع لفهد بالغرفة بعد مامر على غرفة خالدولقاه نايم وسليمان طلع ..

مازن وهو يفتح الباب : سلاااام
فهد : عليكمالسلام .. تعال مازن
مازن : خير فهد شفيك !
فهد وهو يبتسم .. الخير بوجهكاتفضل ..
وناوله ورقة رسمية بكلام انجليزي ..

مازن قراها باهتمام وبدتبشاير الفرح على وجهـه : وااااااااااو اقبلووني !
فهد وهو يبتسم : اي قبلوك .. ألف مبرووك ..
وان شاء الله تبد الدراسة بعد اسبوعين
انصدم مازن : اسبوعينبس !!!!!

مازن : اي والله الورقة جايه من شهر بس ابوك غير العنون فظلت عندهم
واليوم رحت بآخذ اوراق من البريد وسألوني عنكم ويوم عرفوا ان العنوان تغيرطلبوني أوصلها لك ..

مازن : أبوي درا ؟
فهد : لا خلك إنت تبشره
مازن : أكيد بيفرح .. هو إلي يبيني أروح أصلا ولا أنا مااااابي
فهد : أقول بس منهالكلام الفاضي .. لاتصير زي اللوح خالد إلي مو راضي يسافر ولا شي ..
مازن : ياخي وش فيها الدراسة بالسعودية ! كل الاقسام موجوده وبكل الجامعات .. أنا ماعنديمشكلة أسافر عن جده أروح أي بلدة ثانيه بالسعودية
لكن برا .. مابي والله مابي ,,

فهد : مازن إنت صاحي ولا مجنون !! أحد تجيه هالفرصة ويرفض !
والله لوأقدر أجبر خالد زي ما أبوك جبرك كان سويتها ..
لكن أنا عندي أخوان كمخ .. لوح !!

مازن : ههههههههههه أحسنلهم
فهد وهو يقوم ويبي يجلس على النت : أقولبس إنت ووجهك .. واستعد ترا الاسبوعين بتمشي بسرعه وانت ماجهزت
مازن قام واهويقول : إن شاء الله
وأخذ الورقه وجا بيطلع عشان يبشر أبوه

ويوم فتحالباب انصدم !

لقى ذاك الوجه الملائكي واقف عند الباب مغرقته الدموع
سـاره تهز راسهها بقوه كنها ترفض هالحقيقة ورجعت على ورى وهي تطالع مازن بكلدموع وألم وحسرة وركضت على غرفتها وصكت الباب
وبصكتها اهتز جسم مازن وقلبه !


وقف مازن فترة مو عارف وش يسوي ..
راح صك باب فهد عشان لا ينتبه ..
ومشى لين غرفة ساره .. ووقف .. ياربي شفيهااا !!

أكيد سمعت .. أكيدسمعت فهد وهو يقولي عن السفر ! ياربي طيب ليش تبكي ؟ محد عارف وش كثر أنا محترقومابي أروح عشانها .. كله عشانها ..
مابي اسافر ولا ابي أدرس برا عشان أكون قربهالملاك الي سحر حياتي
طيب وهي ليش تبكي ؟ معقوله إهي بعد تبيني قربها ؟

بس هي عندها اخوانها ؟ آآه ياسارة حياتي ..
وفتح الباب بشويش لقى سارهراميه نفسها على السرير تبكي بصوت كله ألم وحزن ..
دخل مازن وصك الباب ومشىلعندها وقلبه يتقطع مع كل شهقة تشهقها ويندمي مع كل دمعة تنزلها ..
قرب منهاوقعد جمبها على السرير : سوسو .. ليه حبيبتي ليه كل ذا البكا ؟
واصلت ساره بكاهاوماكنها سامعه ,,

مسكها مازن مع ايدها يبي يقعدها .. إلا سحبت ايدها وهيتبعد عنه وتقول بين دموعها : وخر عني .. إنت تكذب علي .. إنت كذاب

انصدممازن وهو يسمع هالكلام وقال بنظرة كلها عطف وحنيه : ليه ياسوسو
بإيش كذبت عليك؟
ساره وهي تبكي : قلت .. مح أتركك .. قلت .. مح أبعد عنك .. وأي شي تبينه أنا .. تحت أمرك .. ومني مخلي .. أحد يزعلك ..
والحين بتسافر .. تدرس .. برا .. وينهالكلام كله وووووووين ؟؟ وصارت تناهج وتبكي أكثر

مازن حاول يحبس دموعهياويل قلبي ياساره .. والله اني كذاب صح .. بس والله يوم وعدتك مادريت إني بانجبرعلى هالدراسة الي مستحيل ينثني عنها أبوي ..
قام مازن وراح لعندها وقعد قدامها .. وابتسم لها وهو يمسح دموعها ويقول :
سوسو .. حبيبتي .. خلاص وقفي بكا .. ترابتخليني أبكي أنا الحين !
لفت ساره وجهها عنه وهي تبكي ..
مازن الي ماقدريستحمل أكثر .. وقف وشالها ومشى لين كرسي طاولتها وقعد وحطها على رجوله ..
مازنللحين يشوفها صغيره ودلوعه وقطعه من قلبه المتيم بها ..

مازن : ساره حبيبتي .. أنتي يمكن تشوفيني كذاب .. لكن .. أنا والله ماكنت أدري إن ممكن يجي يوم أسافرأدرس برا .. وبابا هو الي يبغاني أروح
ولو مارحت بيزعل كثيــــــــر .. وسكتشوي وهو يبلع العبرة وكمل:
أنا يمكن بابعد عنك صح .. لكن بظل حتى وانا بعيد أيشي تبينه بنفذه لك ومني مخلي أحد يزعلك ..

هدت ساره شوي وقالت : بس مازن .. أنا مابيك تروح مو بس عشان تجيبلي أشياء .. وتدافع عني ..

وطالعت بعيونهوقالت : أنا أبيك عشان .. عشان أبيك أنت ..

تسمر مازن عند هالكلمة !
ياعيون مازن إنتي وقلبه وروحه وحياته وسعادته .. ساره تبيني زي ما أنا أبيها .
. ومحتاجة لوجودي قربها مثل حاجتي لوجودها قربي .. ياربي شسوي مع هالمخلوقةالمسكينة الي ماتفرح بأحد إلا يروح عنها .. لا مني رايح عنها .. وبكلم أبوي ..

وارتاح مازن لهالخاطر بس ماقال لساره شي ..لأن مايدري عن رد أبوه
وكلالي سواه انه ابتسم لها وضمها بحنان وقال : ساره .. إش هي أمنيتك
رفعت سارهراسها وهي تطلع فيه باستفهام
مازن : إش فيه شي تتمنينه ومو عندك

طالعتساره على فوق وهي تفكر وابتسمت وقالت: ماأدري .. كل شي عندي
مازن : كل شي .. كلشي ؟؟
ساره : اممممم . اي الا أشياء ما اقدر أجيبها أبدا
مازن : زيايش
ساره بحماس : لاب توب !!
مازن :هههههههه اخوانك عندهم طيب
ساره : مايخلوني ألعب في كمبيوتراتهم .. وأصلا مب حلوة !
مازن : لييييه !
ساره : يييع ماتعجبني
مازن : اش الي يعجبك ؟
ساره بحماس طفولي : لاب توب صغيــــرآخذه معاي كل مكاااان ..
ويكون ملكي أنا بس .. ويكون صغيير مو زيهم كبير .. وسكتت شوي وقالت وهي تضحك " ويكون لونه زهري !
ضحك مازن وقال : زهري بعد؟
نطت ساره من رجوله وركضت لين درح طاولتها ومازن يلاحقها بعيونهمستغرب
وفتحت الدرج وطلعت كراسة رسوماتها
ورجعت لمازن وفتحت له صفحة وقالت : زي هذاااا
طالع مازن بالرسمة : لقى رسمه طفولية تعني لاب توب ملوّن بزهري
وصغير وطفولي وكاتبه عليه من فوق So So


ابتسم مازن لها ولأمنيتهاالظريفة .. وقالها وهو يمسح على شعرها : حلو رسمك ..
وأخذ الكراسة منها وقعديقلبها ويتفرج على رسوماتها وهي واقفة جمبه ..
ويوم فتح على صفحة .. طاحت علىالأرض صورة نشلتها ساره بسرعه وهي تضحك
مازن : اش هذي
ساره بضحك : ولاشي
مازن : كيف ولا شي شفتها طاحت ورينيى
ساره : أخاف تضحك علي
مازن : أفااا .. ما أضحك عليك أنا ياحلوة
ابتسمت سارة ومدت ايدها بشويش ومعها الصورة
أخذها مازن باهتمام وشافها .. وحن قلبه على ساره كثير
كانت صوره لسارهومازن وهم سوا راكبين دباب البحر
ساره : كنت أحاول أرسم نفس الصورة
مازن : والله إنك شااااطرة ..
طيب سوسو ممكن أطلب منك طلب ؟
ساره : ممكن
مازن : الصورة حلوة مره ممكن آخذها وأخليها عندي ..
ابتمست ساره وقالت بدلع : طيب ..
مسح مازن على شعرها وقالها بكل حنان : ياعمري ..



بعدها حاولمازن يكلم أبوه .. انه يدرس بالسعودية ومايسافر
لكن أبوه عصب حيييييييييل وأصرعليه إلا يروح ..
ومازن انصدم من ردة فعل أبوه وماعرف وش يسوي ..

وبيومكان إهو وخالد لحالهم بمقهى ..
وفهد منهمك بالشغل ..

و سليمان كان دايممع وليد ولد عمه أخو غاده ..
وليد شاب جذاب ومهوي مره وحده ومو مهتم بشي وراعيبنات ولعب وتفحيط وكل وحده يكلمها يقولها إنتي حبي الأول والأخير
وهو خرااااط ..
وكل ماشاف ساره ينبهل على جمالها بس مايقربها ولا يلعبها لأنه مايطيق اخوانهاولا اخوانها يطيقونه .. الا سليمان متصاحب معاه وعلاقتهم مره تمام وقوية ..


مازن : والله مابي أروح .. يلعنها من دراسه ويلعنها من حاله ..
خالد : مازن مايصير تقول كذا ومايصير تروح وانت بهالنفسيه ..
مازن: اي لأنيمغصوب .. وانت ووجهك مو جاي معاي ..
خالد : اي والله يامازن إنت شلون بتروحوتخليني .. أنا عمري كله ماتصاحبت على أحد ودومي معاك .. الحين شسوي بعدك !!
تدري .. لا خلاص أناقررت ..
مافيه روحه !
مازن : الله وأكبر .. خــالدقرر .. جفت الأقلام وارتفعت الصحف
خالد : هههههه أوريك تتريق !
مازن : ايأتريق كيفي .. ياخي شوف انت وش تقول .. أجل وشلون ساره المسكينة..
والله إنتماشفت دموعها وشهاقها .. ساره محتاجتني ياخالد
والله مابي أروح وأخليها ..
خالد : مازن عشان إنت دوم تدلعها وتلبيلها طلباتها .. خلاص ماعليك أنا بقومبدورك وأسويلها كل الي تبيه ..
مازن اتذكر كلمتها " أنا أبيك إنت " وانعصر قلبهبقوة وهو يقول بنفسه :
سامحيني ياساره .. سامحيني ياحياة مازن ..


ومرت الأيام بسرعه لين جا يوم السفر .. هالمره كانوا عيال ابو فهد إهمالي ببيت ابو مازن مو العكس .. وتغدوا عندهم .. وسمر كانت مع ساره بالغرفة
سمربحزن : اليوم بيسافر مازن
ساره على طول دمعت عينها وسكتت
سمر : ساره تبكين !
ساره : لا مافيني شي .. بس انا تعودت على مازن ببيتنا .. و .. ومدري كيف بيروح .. وأفكر بخالد لأنه هو صديق مازن مره ..
سمر : اي والله خالد مسكين .. بس عندهاخوان يعوضونه ..
أنا ماعندي الا مازن وبدت تبكي ..
ساره الي كانت محتاجهمن يهديها هي صارت تهدي بنت خالتها :
لاتبكين سمر .. " وتعيد كلام مازن الي قالهلها " إن شاء الله بتمر هالأربع سنوات بسرعه زي الهوا ويرجع ..


في صالةالجلوس تحت ..
أبو مازن : لا أوصيك يامازن .. دراستك.. أبيك تشد حيلك وترجع لنابشهادة ترفع الرااااس .. حط دوبك دوب دراستك وبس ..
عشان تخلص وترجع ..إحنا بعدنبيك تخلص بسرعه وتجي مانقدر على فراقك
أم مازن بدت تبكي : ياحبيبي يامازن .. انتبه لحالك .. وحاكيني كل يوم ادا بدك .. واي شي بتحتاجه قلي بابعتلك هو على طول ..

مازن : ان شاء الله يمه .. وباس راسها
خالد وفهد وسليمان كانواقاعدين يطالعون مازن بنظرة كلها حزن ولوعه .. مازن رفيق دربهم وطفولتهم من صغرهم ..
مازن إلي شاركهم بكل فرحة وبكل حزن وبكل دمعة . .
اخوهم الي ماولدته أمهم
كان صعب عليهم يفراقونه ..
خاص خالد إلي كان اهو ومازن كالتوأم .. عمرهمماتفارقوا ولا صار بينهم خلاف إلا بلحظتها ينتهي ويتصافون

أبو مازن : يـلاأجل .. مشينا .

لمت أم مازن ولدها بقوة وهي تبكي .. المنظر الي ماستحمله قلبفهد وطلع الحوش بسرعه ..
وطالع للسما وتنهد تنهيدة من سمعها يقول وش كثر قلبفهد متألم ..
ودمعت دمعه بطرف عينه مسحها على طول وهو يقول :
الله يرحمكيمـه .. الله يرحمك يبه ..

طلع خالد وسليمان ومازن وابو مازن .. وبهاللحظةنادت أم مازن على سمر تروح تودع أخوها قبل يمشي ..

نزلت سمر
وساره مانزلت ..
وظلت تطالع مازن من شباك الغرفة .. تطالعه ووجها كله دموع وألم ..
تطالعه وهو يحضن سمر ويبوسها ويمسح دموعها .. ويوم وقف طالع وراها ..
ينتظرساره .. مالقاها .. سأل سمر : وين ساره
سمر : فوق
رفع مازن راسه فوق ,, وشافها .. وليته ماشاف !
هالمنظر الي حرق قلبه حريقة ماخمدت سنووووات ..
وبتعرفون بعدين ليـش ..

كانت ساره تطالع مازن وهي تبكي بقلب .. وخصلاتشعرها سايحة على وجهها ..
مازن اتمنى بذيك اللحظة لو يكون طير .. طير يطير لهاويمسح دموعها ويضمها ..
تم يطالعها وبكل دمعة تدمعها ينطعن قلبه وتنخنق أنفاسه ..
رفعت ساره إيدها ولوحت له .. وقرا بشفاها كلمة : مع السلامة
رفع مازنإيده وابتسم لها وهو يبلع العبرة وهمس : مع السلامة

وتردد بقلبه آهات ظلتمكبوته ..مع السلامة يابلسم الروح والقلب
وانذبح يوم شاف ساره تحط إيدها علىقلبها ..

استنى الردووووووووووووووووووووووووووووووووووووود

حلو حلو كثيييير

و الله القصٌه عضيمة و الاحداث مشوقة

سكر شقآآوهـ كتب:

حلو حلو كثيييير

و الله القصٌه عضيمة و الاحداث مشوقة

شكرا على ردك بس لسه الاثارة ما بدت البارتات الجاية خطييييييييييييييرة

القصٌه حلوه و مشوقه

و الاحدآث كثير بتحلى

يسلموا على الطرح

و بانتظآر البارت 3

فـــــاطمـــة كتب:

القصٌه حلوه و مشوقه

و الاحدآث كثير بتحلى

يسلموا على الطرح

و بانتظآر البارت 3

نزلت بارتين مرة وحدة الجاي هو الرابع اذا شفت تفاعل طبعا ^^

يلا يا قمر بانتظآآرك

انزل البارت الان ولا لااااااااااااااااااااااااااااااااء ها اول وحدة ترد يكون البارت الجاي اهداء لها يلا اسرعوووووووووووووووووووووااااااااااااااااااا

يلا انا رديت و في انتظآآر البارت

لا تحرمينا حبي

كثيير كثييير حلو و تم التقيم

لا تنسوا الردووووووووووووووووووووووووووووووووووووووووووووووووووووووووووووووووووووووووووود و ال...............

طيب ليةهم راحوامريكاومااخذوني معهم